Жақында жарияланған 2025 жылғы үздік университеттердің Times Higher Education пәндік рейтиңінде Nazarbayev University әлемдегі ең беделді 200 университеттің қатарына енді. Қазақстанда жоғары білім беру сапасы жылдар бойы көп талқыланғаны белгілі. Сол себепті отандық университеттің осынау жарқын жетістігі жалт қаратып, қуантпай қойған жоқ. Кейінгі жылдарда Nazarbayev University-ге қатысты көп дау-дамай да болғаны құпия емес. Бірде атауына қатысты сұрақ туындады, бірде қаржылық мәселесі дауға себеп болды.
Nazarbayev University әлемдегі жоғары білім берудің әлемдік озат оқу орындарымен қалай бәсекелесе алғаны, өз рекордын жаңарту ықтималдығы турасында Ulysmedia.kz бас редакторы Самал Ибраева Nazarbayev University атқарушы вице-президенті, білім басқармасы саласындағы ғылым докторы Аслан Сәрінжіповпен сұхбаттасты.
Сұхбаттың толық нұсқасын Ulysmedia.kz порталының YouTube-арнасынан көре аласыздар.