Ulysmedia көрермен назарына аптаның айшықты оқиғалары жайлы жаңалықтар легін ұсынады.
Ұлыс аптада осы жолы төмендегідей жаңалықтар қамтылды:
Біреуі басынды, енді бірі қызбалыққа ерік берді. Бірақ халқы қырылып жатқан Зеленскийді сөгуге бола ма? Бүтін әлем күткен Зеленский мен Трамптың кездесуі неліктен сәтсіз аяқталды. Ақ үй дәметкен сирек кездестін қазба байлықтарды беруге Украина келіспеді. Америка әскери көмек беруін тоқатты. Украинаның тағдыры не болмақ?
Премьер министр Олжас Бектенов үлкен бизнестегі «акулаларға» ескерту жасап, «әділ» салық төлеуге 2 апта уақыт берді. Қара тізімде атышулы олигархтар бар. Сонда халықтың тиынын санаған салық органдары осы жылдары қайда қарап келген?
Қазақстанда көшелердің атауын қазақтандыру үшін билік кімнен қаймығады? Солтүстіктегі орысша жазылған көше атауларын қазақшалау қажет деп мәдімдемеген мәжіліс депутаты Жигули Дайрабаев партия басшылығынан неге қуылды?
Саясатқа бір күнде тап ете қалған Республика партиясы шашырап жатыр. Екі жыл өтпей, Руслан Берденов мәжілістен безді. Енді ол Шымкент қаласы әкімінің орынбасары.
Ақордада Тоқаев экономика сұрақтары бойынша көмекші алып, жаңа министр тағайындады. Стартегиялық агенттікке Досаевтың командасы келді. Бұдан нәтиже шыға ма?
Қазақстандағы “Қазақмыс” Ресейдің қолына өтуі мүмкін. Ал Қазхромда апат орын алды. 4 жұмысшы зардар шекті. Машкевич бастаған олигархтарға тиесілі бұл компания да адам өмірімен ойнай бастады ма?
Олигархтар айтпақшы, “утильалым ханшайымы” Әлия Назарбаева Мәскеуде той тойлап жүр.