Ұлыстың кезекті қонағы - Ермұрат Бәпи. «Дат» газетімен, оппозициядағы батыл қадамдарымен халыққа танылған белгілі журналист биыл Алматыдан Мәжіліс депутаты болып сайланған болатын.
Ulysmedia.kz сайтының бас редакторы Самал Ибраева Ермұрат Бапи мырзадан бір жарым ай бұрынғы арыны депутат болған соң неге басылып қалғанын, билікпен жасырын келісімге-келген келмегенін, Тоқаевқа қатысты ұстанымын сұрап, әңгімеге тартты.
Депутат жеке басынан бөлек, қазақ үшін күйіп тұрған мәселелер - Қытаймен арадағы визасыз режимнің қаупі, биліктегі сатқындар, Назарбаев активтерінің толық қайтпауы, оның отбасының Жаңа Қазақстанға ықпалы, кедей халықтың күйі туралы сөз қозғалды.
Қаңтар оқиғасы қатысушыларына амнистия жариялау жайындағы ойын да жеткізді. Ол Ұлысмедиа арқылы Қазақстанның Бас прокуратурасына, Қаңтар оқиғасын тексеру комиссиясына мәлімдеме жасады.