Желідегі жұртшылық қазақтілді халқы басым облыс орталығындағы ескерткіш алдына қойылған ғимараттың маңдайшасындағы «Центр Абая» деген жазудың қисынсыздығын да сынады деп хабарлайды Ulysmedia.kz.
Ал ескерткіштің өзінің екі жыл бұрын Павлодар қаласында қойылған Абай ескерткішінен аумайтыны (тұрысы сәл өзгеше), жеткізушінің де бір екені, алайда үш есе қымбаттығы айтылуда (55 млн және 145 млн теңге).
Еске сала кетсек, осы ескерткішке қатысты Атырау облысы әкімінің орынбасары, бұрынғы Мәжіліс депутаты Бақытгүл Хаменова пара алды деген күдікпен ұсталып, екі айға уақытша ұстау абақтысына қамалды. Кейін облыстың мәдениет саласына қатысты 15 мекемеде миллиард теңгеден астам сомаға байланысты заңбұзушылықтар анықталды.
