Алматы облысы Қаскелең қаласындағы Сәтбаев атындағы орта мектепте 9-сынып оқушысы қайтыс болды, деп хабарлайды Ulysmedia.kz.
ТОЛЫҒЫРАҚ
Ресми мәліметке сәйкес, 21 қаңтар күні үзіліс кезінде 15 жастағы жасөспірімнің жағдайы кенеттен нашарлаған. Мектеп әкімшілігі бірден жедел жәрдем шақырған.
– Жүргізілген реанимациялық және медициналық шараларға қарамастан, баланың өмірін сақтап қалу мүмкін болмады, – деп хабарлады Алматы облысының білім басқармасы.
Марқұм жасөспірім 26 ақпанда 16 жасқа толуы тиіс болған.
ТЕРГЕУ БАСТАЛДЫ
Шенеуніктердің айтуынша, оқиға кезінде оқушымен бірге осы мектепте педагог болып жұмыс істейтін әжесі болған.
Оқушының қайтыс болу дерегі бойынша уәкілетті органдар тексеру жүргізіп жатыр. Өлімнің нақты себебін анықтау үшін мәйіт сот-медициналық сараптамаға жіберілді.