Бүгін премьер-министрі Әлихан Смайыловтың төрағалығымен өткен кеңесте Алматыдағы «Ақкент» тұрғын үй кешенінде болған өрттің салдарын жою мәселесі қаралған. Смайылов көпқабатты ғимаратта болған өрттен 42 адам зардап шеккенін айтып, үкімет атынан қаза тапқан әйелдің туыстары мен жақындарына көңіл айтқан, деп хабарлайды Ulysmedia.kz порталы үкіметтің ресми сайтына сілтеме жасап.