Ұлттық банк мұнайдың қымбаттауына байланысты теңгенің рубльге қатысты әлсіреу себептері туралы айтты, деп хабарлайды ulysmedia.kz.
Ұлттық банк төрағасының орынбасары Әлия Молдабекова RUB/KZT жұбының паритеті жаңа деңгейге – рубль үшін 6 теңгеге көбірек ауысатынын атап өтті, дейді LS.
"Теңгенің әлсіреуі 2021 жылдың II тоқсанының ортасынан бастап байқалады. Бұл бірқатар себепке байланысты. Біріншіден, экономикалық белсенділікті жандандыру және кейінге қалдырылған сұранысты іске асыру импорттың өсуіне әкеледі. Ресейдің жалпы импорттағы үлесі 2021 жылғы қаңтар-тамызда 40,7% деңгейінде қалып отыр. Бұл 2020 жылдың ұқсас кезеңімен салыстырғанда 6,3 пайыздық тармаққа (п.т.) артық. Екіншіден, бизнес пен халық тарапынан сұраныстың артуы аясында ресейлік тауарлар импортының ұлғаюы байқалады. Биылғы жылдың II тоқсанының нәтижелері бойынша көрші елден импорт 2020 жылдың II тоқсанымен салыстырғанда 36,1%-ға ұлғайып, $4,2 млрд-қа жетті", - деп түсіндірді ол.
Оның айтуынша, Ресей тауарларының импортына деген ішкі сұраныстың артуы теңге бағамының тепе-теңдігін рубльге қарай әлсіретуге әкеледі.
Бұдан басқа, рубльге деген сұраныстың артуын Қазақстан қор биржасындағы KZT/RUB жұбымен биржалық сауда-саттық көлемінің артуы да айғақтайды: мәселен, 2021 жылдың I тоқсаны ішінде сауда-саттықтың орташа көлемі айына 1,9 млрд рубльді құрады, ал биылғы жылдың III тоқсанында бұл сан 5,2 млрд рубльге дейін өсті. Сондай-ақ жыл басынан бастап айырбастау пунктерінде рубльдің таза сатылымы 26,6%-ға өсті.
"Теңгенің де, рубльдің де қолдауы болып саналатын мұнай бағасына жекелеген елдің өндіруді арттырудағы кідірістері жаңа серпін береді. Рубльге газдың жоғары бағасы және шетелдік инвесторлардың Ресейдің қарыз нарығына деген қызығушылығының артуы қолдау көрсетеді. Бейрезиденттердің федералды қарыз облигацияларына салымдарының деңгейі соңғы төрт айда артып, 2021 жылғы қыркүйектің басында 21,4%-ға жетті", - деді Молдабекова.
Ол Ұлттық банк теңгенің рубльге қатысты паритетін таргеттемейтінін, бұл жұптың бағамы әрі қарай нарықтық жағдайларға байланысты қалыптасатынын атап өтті.
Молдабекова Ресей тауарларына деген ішкі сұраныстың артуы теңгенің айырбас бағамына ғана емес, сонымен қатар Қазақстандағы тұтыну бағаларының қосымша өсуіне алып келетінін айтты.
"Теңгенің рубльге қатысты әлсіреуі және инфляция импорты қазақстандық экономика мен сыртқы сауданың қалыптасқан құрылымын көрсетеді. Бұл факторлар мұнай нарығының оң динамикасына қарамастан ұлттық валютаның әлсіз нығаюының себептерінің бірі болып саналады", - деп түйіндеді Ұлттық банк төрағасының орынбасары.