«Астана» халықаралық қаржы орталығының басқарушысы Ренат Бектұров қызметкерлердің жалақысының мөлшерін айтты, деп хабарлайды Ulysmedia.kz.
АХҚО қызметкерлерінің орташа жалақысына байланысты сұраққа Бектұров жас мамандар үшін тәжірибеге байланысты 300 мыңнан 500 мың теңгеге дейін айлық төленетінін мәлімдеді. Орта буын 600 мың теңгеден, ал басшылар 700-800 мың теңгеден алады.
– Мен бірінші басшымын, сәйкесінше менде айлық 800 мың теңгеден асады. Өкінішке қарай, нақты мөлшерді айта алмаймын, - деді Бектұров жалақысының мөлшері туралы сұраққа жауап бере отырып.
Сондай-ақ, журналистер АХҚО басшысы өз жалақысын инвестиция ретінде сала ма деп сұрады.
– Біріншіден, мен белсенді түрде инвестициялай алмаймын, уақытым жоқ. Кейінге қалдыруға тырысамыз, бірақ менің бес балам бар. Онда да көп нәрсе қалмайды. Біз бәріңіз сияқты, балабақшаға ипотека төлейміз, - деді Бектұров және қарапайым қазақстандықтар сияқты ипотека мен тұтынушылық несиелерді төлейтінін айтты.