«Азаматтарға арналған үкіметтің» Көкшетау қаласындағы ХҚО-ның бұрынғы маманымен алдын ала сөз байласқан екі азамат жалған төлем құжаттарын қолданып, алым төлемей шетел көліктерін бастапқы деңгейде тіркеп келген, деп хабарлайды Ulysmedia.kz.
Істі Қаржы мониторингі агенттігің Ақмола облысы бойынша департаменті тергеп жатыр. Жалған төлем-есеп айырысу құжаттары арқылы 68 көліктің заңсыз тіркелгені анықталды.
– Бастапқы тіркеу үшін алым төлемеу түріндегі мемлекетке келтірілген шығын шамамен 449 млн теңгені құрады, – делінген хабарламада.
Агенттік бұдан өзге ақпаратты заңға сілтеп жариялаған жоқ.