Сенатта қоғамда қызу талқыланған әйелдер мен балалардың құқығын қорғау, заңға тиісті өзгеріс енгізу жөніндегі заң жобасы қаралып жатыр, деп хабарлайды Ulysmedia.kz.
Негізгі өзгерістер
Заң жауапкершілікті қатаңдатуға, суицидтің алдын алуға, отбасы институтын нығайтуға, барлық түрдегі және нысандағы интернаттық ұйымдарға ескертусіз мемлекеттік бақылауды жүзеге асыруға, балалардың қауіпсіздігін қамтамасыз етуге бағытталған. Негізгі өзгерістер:
| Болды | Ұсынылады |
|
Әкімшілік жауапкершілік:
|
Қылмыстық жауапкершілік:
Денсаулыққа қасақана жеңіл зиян келтіргені үшін – 200 АЕК айыппұл немесе 200 сағат қоғамдық жұмыстарға тарту немесе 50 тәулікке дейін қамауға алу; Ұрып соққаны үшін – 80 АЕК дейін айыппұл немесе 80 сағат қоғамдық жұмыстарға тарту немесе 25 тәулікке дейін қамауға алу; Әкімшілік, қылмыстық құқық бұзушылық жасаған адамдардың мінез-құлқына байланысты соттың шешімі бойынша ерекше талаптарды бекіту: психологиялық көмектен өту ерекше жағдайларда агрессорға жәбірленушімен бірге бір үйде тұруға тыйым салу. |
| Болды | Ұсынылады |
|
Қылмыстық жауапкершілік:
|
Қылмыстық жауапкершілік Азаптағаны үшін – 600 сағатқа дейін қоғамдық жұмыстарға тарту немесе 3 жылға дейін бас бостандығынан айыру; Денсаулыққа ауыр зиян келтіру 3 жылдан 8 жылға дейін бас бостандығынан айыру; Денсаулыққа орташа зиян келтіргені үшін – 2 жылға дейін бас бостандығынан айыру; Педофилия (жас баланы зорлау) – өмір бойы бас бостандығынан айыру; Жас баланы өлтіру – өмір бойы бас бостандығынан айыру. |
Заң тағы нені өзгертеді?
Сонымен қатар, заңға енгізілген түзетулер өз-өзіне қол жұмсағаны, өзін-өзі өлтіруге итермелегені немесе өз-өзіне қол жұмсауға ықпал еткені үшін қылмыстық жауапкершілікті қарастырады – 3 жылға дейін шектеу/бас бостандығынан айыру. Кәмелетке толмағанға қатысты – 5 жылдан 9 жылға дейін бас бостандығынан айыру көзделген.
Заң жаңа құрамды енгізуді ұсынады – суицидті насихаттау. Бұл үшін қылмыскерге 200 АЕК дейін айыппұл салынады. Егер үгіт-насихат өзіне-өзі қол жұмсауға итермелесе, 1 жылға дейін бас бостандығынан шектеу/ айыру, егер ол өз-өзіне қол жұмсауына әкеп соқтырса 3 жылдан 5 жылға дейін бас бостандығынан айыру қарастырылған.
Сондай-ақ, отбасы институтын нығайту мақсатында отбасы-неке заңнамасының жаңа қағидаттары енгізілуде. Олар дәстүрлі отбасылық құндылықтарды қорғауға, сақтауға, нығайтуға және ілгерілетуге, ұлттық және дәстүрлі отбасылық құндылықтарды құрметтеу тұрғыда балалардың моральдық және рухани тәрбиесін қамтамасыз етуге бағытталады.
Сондай-ақ, жергілікті өкілді және атқарушы органдардың мемлекеттік отбасылық саясатты іске асыру жөніндегі құзыреттері айқындалды, олар отбасы институтын нығайту жөніндегі негізгі нысаналы индикаторларды бекітуге, өмірлік қиын жағдайдағы отбасыларды анықтауға және оларға жан-жақты қолдау көрсетуге бағытталған.
Заңның тағы бір маңызды бағыты – балалардың қауіпсіздігін қамтамасыз ету. Заңға енгізілген өзгерістерге сәйкес, енді еліміздің облыстарының әрбір ауданында Отбасын қолдау орталықтары ашылады. Өмірлік қиын жағдайға тап болған отбасыларды ерте кезден анықтау бойынша мобильді топтар құрылады.