Әлеуметтік желіде жас жігіт Нұрсұлтан Назарбаевтың портретін аяққа таптап, экс-президентті мазақ еткен видео тарады, деп хабарлайды Ulysmedia.kz.
Видеоның нақты қай қалада түсірілгені белгісіз. Кадрдан жас жігіттің жердегі портрет үстіне секіргені, сондай-ақ оны қолымен ұрғаны анық көрінеді. Сондай-ақ балағат сөздерді де естуге болады.
Айта кетсек, Н.Назарбаевты көпшілік алдында қорлағаны үшін тағайындалатын қылмыстық жауапкершілік 2023 жылы алынып тасталған.
Дегенмен экс-президент бұл жігітті сотқа бере алады.
Әлеуметтік желідегі қазақстандықтардың пікірі екіге жарылды. Кейбір азаматтар жас жігіттің әрекетін қолдаса, енді біразі кім болса да құрметпеу қарау керектігін ескертті.