Ұлттық қауіпсіздік комитеті шекарашылары 30 мың қорап темекі өнімдерін елімізге заңсыз алып өтпек болған контарабанда өкілдерін ұстады, деп хабарлайды Ulysmedia.kz.
3 тамызда Жамбыл облысы аумағындағы қазақ-қырғыз шекарасындағы «Айша бибі» автомобиль өткізу пунктінде ҰҚК шекара қызметі Жамбыл облысы бойынша департаменті темекінің 30 мың қораптан тұратын ірі партиясын алып өтпек болғандардың жолын кесті.
Олар ілеспе құжаттары жоқ темекі өнімдерін халық тұтынатын тауарлар түрінде алып өтпек болған.
Тәркіленген тауарлар қосымша тексеру үшін тиісті органға берілді.