Құрманғазы ауданының тұрғыны Арай Ерғалиева үшемді дүниеге әкелді. Нәрестелерді үшеуі де ұл бала, деп хабарлайды Ulysmedia.kz портал өңірлік коммуникациялар қызметіне сілтеме жасап.
Сәбилердің салмағы 2500-2700 грамм аралығында.
- Балаларға Нұрислам, Нұриман, Нұрмұхамбет деп ат қойдық. Отбасымызға осындай қуаныш сыйлаған келінімізге үлкен рахмет. Үйде олардыкүтіп отырған үлкен әжесі мен екі бауыры бар, - деді үшемнің атасы Исбергенов Салық.
Нәрестелерді үйге шығару рәсіміне облыстық денсаулық сақтау басқармасының басшысы Қайсар Абдалиев пен облыстық перинаталдық орталық директоры Қазбек Ермағамбетов қатысты.
- Орталықта 2024 жылдың 25 қыркүйегінде үшемдүние есігін ашты. Осы уақытқа дейін анасы мен балалары дәрігерлердің бақылауында болды. Денсаулық жағдайлары жақсы, - деді Қ. Ермағамбетов.
Денсаулық сақтау басқармасы нәрестелерге балалар арбасын сыйға тартты.
Айта кетейік, жыл басынан бері облыста екінші рет үшем туған.