Киев қараша айында өтеді деп жоспарланған бейбітшілік саммитінен бас тартты, деп хабарлайды Ulysmedia.kz.
ЖОСПАР ОРЫНДАЛМАЙДЫ
Украина бойынша қараша айына жоспарланған екінші бейбітшілік саммиті болмайды. Дегенмен, қараша айына дейін оның өткізілуіне барлық дайындық аяқталуы тиіс. Бұл туралы Украина президенті әкімшілігі басшысының кеңесшісі Дарья Заривная мәлімдеді. Ол конференцияларды ұйымдастыруға жауапты.
БІРІНШІ САММИТ ТУРАЛЫ
Маусым айында Швейцарияда өткен бірінші бейбітшілік саммитіне 90-нан астам елдің өкілдері қатысқан. Ресей шақырылмады, кейбір елдер төменгі деңгейдегі делегацияларын жіберді, ал Украина негізгі оңтүстік елдерді өз жағына тартуға тырысқанымен, кейбір елдер қорытынды мәлімдемеге қол қоюдан бас тартты деп жазды Bloomberg.
Осыдан кейін Украина қараша айында екінші бейбітшілік саммитін өткізуге дайындықты бастады. Bloomberg агенттігінің мәліметінше, Украина бұл конференцияны өткізу арқылы АҚШ-тағы қараша айындағы президенттік сайлауға дейін Ресеймен соғысты әділ аяқтауды көздейді. Бұл АҚШ-та Дональд Трамптың қайтадан президент болуы ықтималдығына байланысты, себебі Трамп жеңіске жетсе, Украинадағы соғысты ресми қызметіне кіріспей жатып тоқтататынын мәлімдеген.
РЕСЕЙ ӨКІЛДЕРІ ҚАТЫСПАЙДЫ
Владимир Зеленский саммитке Ресей өкілдері қатысуы керек деп мәлімдеді. Қыркүйек айында Ресей Сыртқы істер министрлігінің өкілі Мария Захарова Ресейдің Украина ұйымдастырып жатқан екінші бейбітшілік саммитіне қатыспайтынын хабарлады. Ол Украина мен әлемдік қауымдастықты Ресейге капитуляция туралы ультиматум қоюға ниетті деп айыптады.