Марқұм Салтанат Нүкенова тарапының мүддесін қорғаған адвокат Жанна Оразбақова ҚАЖК мекемесіне хат жолдап, экс-министр Қуандық Бишімбаевтің қайда жазасын өтеп жатқанын білді, деп хабарлайды Ulysmedia.kz.
БИШІМБАЕВ ҚАЙДА
Адвокат Инстаграм парақшасында сотталған экс-шенеуніктің Ақмола облысы Степногорск қаласындағы ҚАЖД №5 мекемеде (түзету мекемесінің 7 өнеркәсіп аймағы, 14 А ғимарат) жазасын өтеп жатқанын хабарлады.
11 қарашада ҚАЖК баспасөз қызметі Салтанат Нүкенованы өлтіргені үшін сотталған Бишімбаев ең жоғары қауіпсіздік мекемесінде жазасын өтеп жатқанын, ал оның қашқаны туралы кез келген мәліметтер жалған екенін хабарлады.
Бұл қауесетке сотталған экс-министрдің нақты орналасқан жерін табуға тырысқан YouTube арналарының бірінде жарияланған сюжеті себеп болған. Соның сюжетте Бишімбаев болуы тиіс колонияда ол жоқ деп айтылған, бұл әлеуметтік желілерде жалған ақпарат толқынын туғызған. ҚАЖК азаматтарды жалған ақпарат таратудан сақтандырып, ресми ақпарат көздеріне сүйенуге шақырды. Ведомство сотталушының қашып кеткені туралы жалған қауесеттердің негізі жоқ екенін және таратушыларға қарсы қылмыстық іс қозғалғанын атап өтті. "Кінәлілер жауапқа тартылады" деп қосты баспасөз қызметі.
БИШІМБАЕВ ІСІ
Еске сала кетсек, 13 мамырда Астанада әйелін аса қатігездікпен қинап өлтірді деп айыпталған экс-министр Қуандық Бишімбаевқа сот үкімі шыққан еді. Астана қаласындағы қылмыстық істер жөніндегі мамандандырылған ауданаралық сотында әйелін аса қатігездікпен өлтірді деп айыпталған экс-министр Қуандық Бишімбаев 24 жылға сотталды.
Астанадағы "Гастро-орталық" директоры, Бишімбаевтың туысы Бақытжан Байжанов Салтанат Нүкенованың өліміне байланысты іс бойынша "қылмысты жасырды" деген күдікпен сотқа тартылған. Сот үкімімен ол 4 жылға бас бостандығынан айырылды.