13 жылдан астам уақыт бойы жасырынған қылмыскер Жамбыл облысының ауылдарының бірінде ұсталды, – деп хабарлайды Ulysmedia.kz Polisia.kz порталына тілтеме жасап.
МӘН-ЖАЙЫ
2011 жылы Арқалық маңында бір тоннадан астам марихуана тасымалдаған қылмыстық топ ұсталды. Операция барысында сегіз адам қамауға алынды, бірақ күдіктілердің бірі жасырынып үлгерген.
ЖАМБЫЛДАН ҰСТАЛДЫ
“Іздеу жұмыстарын тоқтатпаған тәртіп сақшылары қаскүнемді құрықтады. Ағымдағы жылдың қараша айында ІІМ криминалдық полиция департаментінің қызметкерлеріне іздеуде жүрген адамның Жамбыл облысының ауылдарының бірінде екендігі туралы жедел ақпарат келіп түсті. Жүргізілген жедел–іздестіру іс-шараларының нәтижесінде күдікті ұсталды” делінген хабарламада.
Күдікті уақытша ұстау изоляторына қамалған.
Қылмыскерді ұстау операциясын “Бүркіт” арнайы жасағы жүргізген.