Қазақстандық танымал әнші Қайрат Нұртастың әйелі, актриса Жұлдыз Әбдікәрімова әлеуметтік желіден неге жоғалып кеткенін түсіндірді, деп хабарлайды Ulysmedia.kz.
Бірнеше күндік үнсіздіктен кейін әнші әлеуметтік желіде қайта байланысқа шығып, демалыс кезінде не себепті контент жариялауды тоқтатқанын түсіндірді.
Белсенді блог жүргізіп, өміріндегі сәттерді фото мен видеолар арқылы жиі бөлісетін Жұлдыз кенеттен желідегі белсенділігін тоқтатқан. Ол демалысқа аттанғанын хабарлағаннан кейін ешқандай жаңартулар жасамағаны жанкүйерлерін алаңдатты. Көпшілік оның қайда екенін, не себепті байланысқа шықпай жатқанын сұрай бастады.
1 сәуір күні Әбдікәрімова үнсіздігін бұзып, видеоүндеу жасап, желіден уақытша жоғалуына не себеп болғанын айтты. Оның сөзінше, демалыс орнына жеткен келесі күні-ақ тамағы ауырып, дауысы жоғалып кеткен.
Уайымдамаңыздар, мен осындамын, бәрі жақсы. Жай ғана видео түсіріп, стористер жүктеген жоқпын. Ұшып барған келесі күні-ақ тамағым ауырып, даусым мүлде шықпай қалды. Дене қызуым түспеді, бірақ сөйлей алмадым. Қазір ғана даусым қалпына келді, өздеріңіз де естіп тұрған шығарсыздар. Көңіл-күй керемет, бәрі позитивте. Енді қайтадан контент түсіруді бастаймын, – деді Жұлдыз.
Сондай-ақ, актриса демалыстан жарқын фотолар күтпеуге кеңес берді. Оның айтуынша, жанында жүрген балалары фотоға түсуге мүлде ниетті болмаған.