Петропавлда қаздардың жарысы өтті, деп хабарлайды Ulysmedia.kz.
Әлеуметтік желіде қаздарды жарыстырып жатқандардың видеосы тарады. Видеоны журналист Эльмира Каленов facebook парақшасында жариялады. Желіде қолданушылары түрлі пікір жазған.
Кинода тарақан, тышқан, егеуқұйрық жүгіртіп жатушы еді. Ол кино ғой енді. Бүгін қаз, ертең не? Кім алысқа шаптырады деп жатпасақ болды.
Еріккендер.
Ат жарысты көріп ек, қаз жарысты да көрдік.
Көрші елден көргендерін, ойына келгендерін істеп жатқан шығар, әйтпесе біздің бабаларымыз қаз жарыстырмаған.
Асық пен доп ойнағандарды, қой баққандарды білетіндеймін, ал қаз қуғанды естімеппін, дейді жазбаны көргендер.
ФЕСТИВАЛЬ ТУРАЛЫ
Айта кетейік, бүгін Петропавлда этномәдени фестиваль өткен. Бұл күні Мажарстан, Татарстан, Башқұртстан және басқа да елдерден келген және қазақстандық жетекші қаз өсірушілер және сарапшылар форумға қатысып, тәжірибелерімен бөліскен. Кейін Н.Погодин атындағы облыстық драма театры алаңында асыл тұқымды қаздардың көрмесі өткен.
Сондай-ақ жергілікті және шетелдік аспаздар қаз етінен дәмді тағам әзірлеп жарысады. Ал қаздардың жарысы фестивальді қыздыра түскен.