Жамбыл облысындағы теміржол өткелінде қайғылы жол апаты бола жаздады, деп хабарлайды Ulysmedia.kz.
МӘН-ЖАЙ
“ҚТЖ” ҰК” АҚ баспасөз қызметінің мәліметінше, оқиға 7 маусым күні болған.
Тараз — Шу учаскесіндегі Корагатты — Татты теміржол өткелінде болған. Қорағатты – Татты аралығының (Тараз – Шу учаскесі) күзетілмейтін реттелетін теміржол өткелінде жолаушылар пойызының машинисі шұғыл тежеуді қолданып, жақындап келе жатқан құрамның алдына жолға шығып кеткен автобуспен соқтығысудың алдын алды.
– Автобус жүргізушісі оқиға орнынан кетіп қалған. Локомотив бригадасының қырағылығы мен кәсібилігінің арқасында жолаушылар мен құрамға ықтимал зардаптарды болдырмауға мүмкіндік туды, – делінген хабарламада.
Болған оқиға туралы ақпарат құқық қорғау органдарына берілді.
Еске салайық, бұған дейін Қостанайдағы станцияда пойыз бен көлік соқтығысқанын хабарлаған едік.