Энергетика вице-министрі қызметін атқарған Әлібек Жамауов QazaqGaz ұлттық компаниясының басқарма төрағасы болып тағайындалды, деп хабарлайды Ulysmedia.kz.
Жаңа басшыны ұжымға «Самұрық-Қазына» қорының төрағасы Нұрлан Жақыпов таныстырды.
Жамауов туралы не белгілі?
Әлібек Жамауов 1981 жылы Атырау қаласында дүниеге келген. Еңбек жолын 2005 жылы Agip Kazakhstan Caspian Operating компаниясында бастап, 2009 жылға дейін жас кеңесшіден супервайзерге дейінгі қызметтерді атқарды.
2009–2015 жылдары «Жамбыл Петролеум» ЖШС-де менеджер болды. Кейін 2015–2019 жылдары сол компанияның атқарушы директоры қызметін атқарған.
2019–2023 жылдары «PSA» ЖШС-де жетекші лауазымдарда, соның ішінде техникалық топтың жетекшісі және бас директордың орынбасары болып жұмыс істеді.
2023 жылдан бері Қазақстан Республикасының энергетика вице-министрі қызметін атқарып келді.
Кімнің орнына келді?
Бұған дейін QazaqGaz басқарма төрағасы қызметін Санжар Жаркешов атқарған еді.