Туризм және спорттың экс-вице-министрі Ержан Еркінбаев «Бәйтерек» холдингі құрамына кіретін Kazakh Tourism Development (KTD) компаниясының бас атқарушы директоры болып тағайындалды, деп хабарлайды Ulysmedia.kz.
ТОЛЫҒЫРАҚ
Бұл шешімді KTD директорлар кеңесі бекітті. Компания Алматы тау кластерін дамыту бағдарламасын жүзеге асыру бойынша жоба кеңсесі қызметін атқарады.
Бұл кластер Қазақстанның негізгі туристік бағыттарының бірі саналады.
АНЫҚТАМА
Ержан Еркінбаев 1982 жылы туған. Қазақ мемлекеттік заң академиясын, Алматы экономикалық университетін және Халықаралық бизнес академиясына қарасты Париж бизнес мектебін бітірген. Еңбек жолын Capital Partners компаниясынан бастап, кейін Батыс Қазақстанда Mariott қонақүйлерінің ашылуына жетекшілік етті. “Шымбұлақ” тау-шаңғы курортын басқарды, сондай-ақ Kazakh Tourism ұлттық компаниясының басқарма төрағасы болды.
2021 жылы ҚР Мәдениет және спорт вице-министрі болып тағайындалды, ал 2023 жылдың қарашасында Туризм және спорт вице-министрі қызметіне кірісті.
Еске салайық, былтыр Еркінбаев Ulysmedia-ға берген сұхбатында қазақстандықтар неге өз елінде демалуды қымбатсынып жүр, ұлттық парктерде монополия бар ма, сондай-ақ туристік ұлттық компания миллиардтаған қаржыны қайда жұмсайтыны туралы сұрақтарға жауап берген еді.