Әлеуметтік желіде АҚШ түрмесінде отырған екі қазақ азаматы туралы ақпарат тарады, деп хабарлайды Ulysmedia.kz.
ЕКІ ҚАЗАҚ АЗАМАТЫ АҚШ ТҮРМЕСІНДЕ
Әлеуметтік желідегі парақшалардың бірінде екі қазақтандықтың АҚШ түрмесінде отырғаны туралы ақпарат тарады. Олар 35 келі кокаин тасымалдады деп айыпталған.
ОЛАР КІМДЕР, НЕ ҮШІН ҚАМАЛДЫ
Қамауда отырған әріптестер — Мұхит Дәнібеков пен Нұрсұлтан Мұхтарәли. Қос азамат қазіргі уақытта Техас штатының Чемберс округіндегі түрмеде отыр. Жергілікті полицияның мәліметінше, есірткі олардың жүк көлігіндегі бір көліктен табылған. Алайда Дәнібековтің ағасының айтуынша, жүк тасушылар бұл туралы білмеген.
РЕСМИ МӘЛІМДЕМЕ
2025 жылғы 27 қыркүйекте Чемберс округінің шерифінің арнайы бөлімі Есірткімен күрес басқармасымен бірлесіп, 810-мильдік межеге жақын I-10 тас жолында автовозды тоқтатты. Шерифтің көмекшілері иттің көмегімениавтовоздың ішінен жасырылған 35 килограмм күдікті кокаинді тапты. Нью-Йорктен келген жүргізуші Нұрсұлтан Мұхтарәли мен Пенсильваниядан келген жолаушы Мұхит Дәнібековке бірінші дәрежелі есірткі сақтау айыбы тағылып, Чемберс округінің түрмесіне қамалды, – деп хабарлады шериф кеңсесі.
АҚША ЖИНАП ЖАТЫР
Қазір туыстары оларды қорғау және кінәсіздігін дәлелдеу үшін адвокат жалдауға және әрқайсысына 200 мың доллар (шамамен 107,8 миллион теңге) көлемінде кепіл төлеуге қаражат жинап жатыр.
Ағайындылардың ата-анасы жоқ. Мұхиттың үш кішкентай қызы және ауыр науқас әйелі бар.
СЫРТҚЫ ІСТЕР МИНИСТРЛІГІ НЕ ДЕЙДІ
Сыртқы істер министрлігі АҚШ түрмесіндегі қос қазақстандық туралы әзірге ешқандай мәлімдеме жасамады.