Қазақстанда ішкі сауда ережелеріне енгізілген өзгерістер күшіне енеді. Бұл түзетулер жаңа автокөліктерді жеке тұлғаларға жеке пайдалану үшін лизингке беруге мүмкіндік жасайды, деп хабарлайды Ulysmedia.kz.
ТОЛЫҒЫРАҚ
1 желтоқсаннан бастап қазақстандықтар көлікті жаңа тәртіп бойынша лизингке рәсімдей алады. Алғашқы кезеңде халыққа тек Қазақстанда өндірілген автокөліктер қолжетімді болады.
– Коммерциялық шарттар мен пайыздық мөлшерлемелерді әрбір лизинг компаниясы жеке анықтайды. Яғни әр автосалон өз лизинг шарттарын ұсынады. Ең алдымен бұл халыққа көлікті лизинг арқылы сатып алу мүмкіндігін береді, екіншіден – Қазақстанда шығарылған автокөліктерді нарыққа шығаруға жол ашады, – деді Сауда және интеграция вице-министрі Айдар Әбілдабеков.
БҰҒАН ДЕЙІН
Мәжіліс депутаты Олжас Күсіпековтің айтуынша, автолизингке қатысты жаңа ережелер 2 қарашаға дейін «Ашық НҚА» порталында талқыланып, 1 желтоқсаннан бастап күшіне енетінін айтқан еді.