Синоптиктер Алматыда 28 маусымда ауа сапасының нашарлауы мүмкін екенін ескертті, деп хабарлайды Ulysmedia.kz.
ТОЛЫҒЫРАҚ
Синоптиктердің болжамынша, қалада қолайсыз метеорологиялық жағдай қалыптасып, бұл атмосфералық ауаның сапасына әсер етуі мүмкін.
Қолайсыз метеорологиялық жағдайлар кезінде атмосфераның төменгі қабатында зиянды заттар жиналады. Бұған әлсіз жел, тұман және температуралық инверсия сияқты факторлар себеп болады. Осындай құбылыстар ластаушы заттардың ауада таралуына кедергі келтіріп, олардың жерге жақын қабатта шоғырлануына ықпал етеді.
АУА РАЙЫ
Синоптиктердің болжамынша, 28 маусымда Алматыда жауын-шашынсыз, құбылмалы бұлтты ауа райы сақталады. Оңтүстік-батыстан секундына 3-8 метр жылдамдықпен жел соғады. Күндіз жел екпіні секундына 13 метрге дейін жетуі мүмкін.
АПТАП ЫСТЫҚ
Түнде ауа температурасы +21…+23 градус болса, күндіз мегаполисте +33…+35 градусқа дейін ыстық болады.
Мамандар тұрғындарға, әсіресе тыныс алу жүйесінің созылмалы аурулары бар адамдарға, мүмкіндігінше далада ұзақ жүрмеуді ескертті.