АҚШ Мемлекеттік хатшысы Марко Рубио Иран делегациясына Америка Құрама Штаттарының аумағынан дереу кетуді талап етті, деп хабарлайды Ulysmedia.kz.
Толығырақ
Axios порталының мәліметінше, мұндай шешім келіссөздер тығырыққа тірелгеннен кейін қабылданған. Иранның Сыртқы істер министрі Аббас Аракчи бастаған делегация Нью-Йорктен шығып, Дохаға ұшып кеткен. Бұл Вашингтон мен Тегеран арасындағы дипломатиялық байланыстың күрделене түскенін аңғартты.
Контекст
Таяу Шығыстағы қақтығысқа байланысты жағдай әлі де күрделі. Бұған дейін, сейсенбі күні Reuters Вашингтон мен Тегеранның қақтығысты тоқтату жолдарын делдалдардың қатысуымен талқылағанын хабарлаған. Дереккөздердің мәліметінше, алдағы келіссөздер алдыңғы аптада Иран ұсынған, қақтығысты бейбіт жолмен реттеуге бағытталған жеті күндік жоспарды нақтылауға арналмақ.
Алайда тараптардың дипломатиялық жолмен келісімге келуге бағытталған әрекеттері әзірше нәтиже берген жоқ. Маусым айының ортасында екі тарап шиеленісті бәсеңдету процесін бастауға арналған меморандумға қол қойған, бірақ араға үш апта салып жағдай қайта күрт ушығып кетті.
Бітім ұзаққа созылмады: әскери соққылар қайта басталып, келіссөздерде ілгерілеу болмады. Соның салдарынан БҰҰ аясындағы жоғары деңгейдегі келіссөздер де үзілді.