Сенат кулуарында ҰҚК төрағасының орынбасары – Шекара қызметінің директоры Ерлан Алдажұманов Қазақстанның көрші елдермен шекараны белгілеу мәселесіне қатысты сұрақтарына жауап берді, деп хабарлайды деп хабарлайды Ulysmedia.kz.
«Мемлекеттік шекарада даулы учаскелер жоқ. Қытаймен мемлекеттік шекара мәселесі толығымен жабылды. Қырғызстанмен де жабық. Бізде Түркіменстанмен ратификация ғана қалды. Өзбекстан және Ресеймен мәселе бар – ол жерде тек Шығыс Қазақстан облысы қалды. Таулы аймақтар бар, жұмыстарды жүргізу өте қиын. Жұмыс жоспарлы түрде атқарылып жатыр. Олар дер кезінде аяқталады деп ойлаймын. Әзірге даулы, түйткілді мәселелер жоқ», - деді ол.
Журналистер одан Шығыс Қазақстан облысында Ресеймен арада мәселе бар ма деген сұрақ қойылды.
«Бұл әлемдегі ең үлкен шекара – 7,5 мың шақырым. Ал Шығыс Қазақстан облысының таулары өтетін жерде шағын учаске қалды. Мәселе мынада, демаркация болған кезде жұмыстың екі кезеңі болады – біріншісі теориялық, яғни мемлекеттік шекара бойынша жазбаша түрде қол қою керек. Ал екінші кезең – тәжірибелік кезең, пункттер мемлекеттік шекара сызығының қай жерден өтетінін белгілейді. Климаттық жағдайларды, ауа райы жағдайларын және жер бедерін ескере отырып, жұмыс кезең-кезеңімен жүргізіліп жатыр. Былтыр Шемонаиха ауданында, одан кейін Семей учаскесінде аяқталды, ал Шығыс Қазақстан облысындағы жұмыстар аяқталды. Жұмыстың шамамен 50 пайызы қалды. Ұзындығы шақырыммен есептегенде 300 шақырымдай. Жұмыс жүріп жатыр», - деп түйіндеді Алдажұманов.