Синоптиктер Қазақстандағы ауа райына болжам жасады, деп хабарлайды Ulysmedia.kz.
Толығырақ
11 қараша, сәрсенбіде, Қазақстанның басым бөлігінде ауа райы құбылмалы болады. Жаңбыр мен қар жауып, кей уақыттарда жауын-шашын күшейеді. Сондай-ақ көктайғақ болады. Тек елдің батысында жауын-шашынсыз ауа райы басым болады.
Республика бойынша жел күшейіп, түнде және таңертең тұман түседі.
Ауа температурасы күндіз елдің батысында +3...+12 градус, солтүстік-батысында 0...+8 градус болады. Солтүстік, шығыс және орталық өңірлерде термометр бағаны −3...+5 градусты көрсетеді. Ал оңтүстік және оңтүстік-шығыста ауа температурасы +2...+10 градус аралығында болады.