Солтүстік Корея сейсенбіде «Хвасон-8» деп аталатын жаңа гипердыбысты зымыранды сынақтан өткізгенін мәлімдеді, деп хабарлайды ulysmedia.kz.
bbc.com-ның мәліметінше, бұл жаңа зымыран КХДР-дың бес жылдық әскери даму жоспарында көрсетілген жаңа қару-жарақ жүйесінің ең маңызды бес жүйесінің бірі болған. Мемлекеттік БАҚ-та зымыранның стратегиялық қару екені жазылған. Бұл жағдайды Пхеньян қатаң санкцияларға қарамастан қару-жарақ технологиясын дамытуға қабілетті екендігінің тағы бір дәлелі ретінде қарастыруға болады.
«Хвасон-8» – соңғы айда ұшырылған үшінші зымыран. Бұған дейін жаңа қанатты зымыран мен баллистикалық зымыран сынақтан өткен болатын.
Зымыранды ұшырар кезде КХДР-ның БҰҰ-дағы өкілі Ким Сон Нью-Йоркте өткен Бас Ассамблеяның отырысында елдің қару-жарақ жасау құқығын қорғап, сөз сөйледі.
Оның айтуынша, Солтүстік Корея өзін қорғау және елдегі қауіпсіздік пен бейбітшілікті сенімді қамтамасыз ету үшін өзінің ұлттық қорғанысын күшейтеді.