Оқу-ағарту министрлігін тексерген Бәсекелестікті қорғау және дамыту агенттігі монополияға қарсы заңнаманың бұзылғанын анықтады, деп хабарлайды Ulysmedia.kz.
“Атап айтқанда, Министрлік, білім беру ұйымдарында қашықтықтан оқытуды ұйымдастыру бойынша әдістемелік ұсынымдарды бекітіп, оған сәйкес сабақтарды «BilimLand», «Kundelik.kz», «Дарын.online» интернет-платформасы арқылы өткізу ұсынған. Осылайша, ақпараттық платформаларға қол жеткізу бойынша жоғарыда аталған компанияларға негізсіз артық мүмкіншіліктер беріліп, аталмыш қызметті көрсететін өзге компаниялардың бәсекелестік жағдайын шектеген”, – делінген хабарламада.
Ведомство мұндай актілерді қабылдауға Кәсіпкерлік кодекстің 194-бабына сәйкес тыйым салынатынын атап өтті.
Қазіргі уақытта БҚДА нұсқамасын орындап, министрлік әдістемелік ұсынымдардың күшін жойды.
Айта кетейік, бұдан бұрын «Қазақстан темір жолы» компаниясы мемлекет келісімінсіз 80-нен аса қызмет түрін көрсетіп келгені анықталған еді.