Толғағы басталып кеткен әйелдің босануына ойын-сауық орталығының қызметкерлері көмектескен, деп хабарлайды ulysmedia.kz.
otyrar.kz-ның мәліметі бойынша, 8 қазан күні күндіз ойын сауық орталығына барған 27 жастағы әйел өзін жайсыз сезіне бастаған. Одан кейін толғақ басталған. Ойын-сауық орталығының қызметкері толғағы қысқан әйелге көмек көрсетіп, босандырып алды.
Босанғаннан кейін жедел жәрдем қызметі келді. Жедел жәрдем көлігінде жаңа туған нәрестені тасымалдайтын «кереует» болған. Босанған ана мен сәбиі жақын маңдағы №2 орталық перинаталды орталыққа жеткізілген. Дәрігерлер қыз бала дені сау күйде дүниеге келгенін айтты. Бойы – 54 см, салмағы 3200 – гр.