Қонаев қалалық сотында қамаудағы белсенді Ермек Нарымбайдың жазаны жеңілдету туралы өтінішіне қатысты шешім шығарылды, деп хабарлайды Ulysmedia.kz.
Адвокат Жанар Балғабаеваның айтуынша, егер прокуратура қарсылық білдірмесе, Ермек Нарымбай 15 тәуліктен кейін қамаудан босатылуы тиіс.
Қалған 11 ай мерзім пробациялық бақылауға ауыстырылды.
Естеріңізге сала кетейік, Ермек Нарымбаев Алматы әуежайында 2022 жылдың ақпан айында ұсталған болатын. Бірнеше айдан кейін ол түрмеде азапталғаны туралы мәлімдеді және аштық жариялады.
Ермек Нарымбай — "Назарбаев – кет!" ұранының авторы саналатын оппозициялық саяси белсенді. 2010 жылы ол өз жақтастарын жинап, Нұрсұлтан Назарбаевты президенттік өкілеттігінен айыру үшін референдум өткізуді талап етті. Ол 4 жылға бас бостандығынан айырылды.
2016 жылы Нарымбай "Ветер с улицы" кітабынан үзінді жарияланғаннан кейін алауыздық тудырғаны үшін сотталды. Белсенді үш жылға бас бостандығын шектеуге үкім шығарды, бірақ тыйым салынғанына қарамастан, ол Қазақстаннан кетіп, Украинаға көшті.
2022 жылы қаңтардағы оқиғалардан кейін Нарымбай отанына оралып, пробациялық бақылауды бұзғаны үшін тергеу изоляторына жіберілді.