Колумбияның бас прокуроры президент Густаво Петроның ұлы Николас Петроны ақшаны жылыстату және заңсыз баюға қатысы бар деген күдікпен қамауға алды, деп хабарлайды Ulysmedia.kz.
Атлантико провинциясының саясаткері Николас Петро есірткі саудагерлерінен ақша алды деген айыппен ұсталды және бұл ақша әкесінің саяси қадамдары мен науқанын қаржыландыруға жұмсалды.
Колумбия президентінің ұлы тағылған айыптарды жоққа шығарып, көктемде басталған тергеуді құптады. Тергеу аясында кіші Петро Дайсурис Васкестің бұрынғы әйелі де қамауға алынды.
Солшылдардың өкілі Густаво Петро да колумбиялық есірткі саудагерлерінен ақша алғанын жоққа шығарады. Наурызда прокурорларға ұлына қатысты тергеу жүргізуді бұйырған ол.
Бір күн бұрын Колумбия президенті әлеуметтік желіде балаларының бірі түрмеге түссе, зардап шегетінін жазған. Сонымен бірге ол тергеу барысына араласпаймын деп сендірді.
«Мен ұлыма сәттілік пен күш-қуат тілеймін. Бұл оқиғалар оның мінезін түзеп, қателіктері туралы ойлануға мүмкіндік береді», - деді Петро.