Қарағанды облысындағы кеніште ұңғымашы қаза тапты, деп хабарлайды Ulysmedia.kz.
"6 қыркүйекте" Өркен" ЖШС кенішінде жазатайым оқиға болып, салдарынан 1984 жылы туған ұңғымашы қаза тапты.Осы фактіні тергеу үшін арнайы комиссия құрылды", - делінген "Өркен" ЖШС баспасөз қызметінің хабарламасында.
Компания марқұмның жақындарына көңіл айтты.
"Қаза тапқан адамның отбасына барлық қажетті қолдау ұжымдық шартқа сәйкес көрсетілетін болады", - деді компания.
"Өркен" ЖШС басшысы - "АрселорМиттал Теміртау" АҚ көмір департаментінің атқарушы директоры Виктор Гафиулов.
Айта кетейік, бұдан бұрын «АрселорМиттал Теміртау» компаниясының көмір департаментіне қарасты “Қазақстан” шахтасында жарылыс болып, 5 кенші қаза тапқан болатын.