Жалпыұлттық социал-демократиядық партиясы (ЖСДП) төрағасы Асхат Рахымжанов қазіргі оппозицияның жағдайы, қазақстандықтардың тұрмыс деңгейі, салық саясаты, МӘМС, зейнет жасы және мемлекеттің экономикадағы рөлі туралы айтты.
Асхат Рақымжанов Ulysmedia.kz бас редакторы Самал Ибраеваға берген сұхбатында «көшедегі демократияның» неге жеткіліксіз екенін айтып, Үкіметтің жұмысына баға берді. Сондай-ақ МӘМС жүйесін уақытша тоқтатуды не үшін ұсынып отырғанын түсіндірді.
Бұдан бөлек, партияның прогрессивті салық салу, ең төменгі жалақы және зейнет жасы мәселелеріндегі ұстанымын айтып, «Самұрық-Қазына», жер үлестері және өзге де саяси партиялар туралы пікірін білдірді.
Сұхбатта Қазақстандағы оппозицияның тарихына да тоқталды. Серікболсын Әбділдин, Ғалымжан Жақиянов пен Жармахан Тұяқбайдан бастап, қазіргі кезеңге дейінгі оппозицияның ахуалы, ЖСДП-ның Парламенттегі жұмысы және алдағы сайлау туралы сөз болды.
Әрине, кейінші пікірталастарда күтпеген жерден ең көп талқыланған тақырыптардың біріне айналған ашытылған қырыққабат туралы да әңгіме өрбіді. Рақымжанов қиын кезеңде жұбайымен бірге осы кәсіппен күн көргенін айтып, алғашқы жылы өз қолымен бес тоннадан астам қырыққабат турағанын жеткізді.
Сұхбаттың толық нұсқасын Ulysmedia-ның YouTube-арнасынан көріңіз.