Ақтөбе облысында болған жол апатынан төрт бала мен төрт ересек адам қаза тапты, деп хабарлайды Ulysmedia.kz.
Ақтөбе облыстық Полиция департаментінің мәліметіне қарағанда, 6 наурызда таңертеңгі сағат 08:30 шамасында Ақтөбе-Астрахань трассасының 120-шақырымында екі көлік (Ларгус және Хайлюкс) соқтығысып, соның салдарынан Ларгус өртенген. Облыстың Денсаулық сақтау басқармасы 8 адам қаза болғанын хабарлады.
Ақтөбе облысы Темір ауданы Саркөл ауылының әкімі Мәди Сүйіншалин 12 жастағы ер бала әкесімен бірге мерт болғанын айтты. Екі оқушы қыз нағашы әжесімен бірге Ақтөбеге бара жатқан.
Сондай-ақ ауыл әкімі ересектер балаларды жеке шаруаларымен әкеткенін жеткізді. Ал көлік жүргізген жігіт Саркөлге жақын Кеңқияқ ауылының тұрғыны екен. Ол да қаза болған. Жол апатынан қайтыс болған өзге екі адамның кім екені әзір белгісіз.
Алдын ала мәлімет бойынша, қаза тапқан балалар – Темір ауданы Кеңқияқ ауылындағы мектеп оқушылары. Тергеу аясында жол-көлік оқиғасының себептерін және зардап шеккендерді анықтау шаралары жүргізіліп жатыр, – деп мәлім етті полиция.