Ақтауда хиджаб киген қызды зорламақ болған деген күдікпен ер адам ұсталды, деп хабарлайды Ulysmedia.kz.
Жаға ұстатар оқиға жағалауда болды
Оқиға Ақтаудың теңіз жағалауында кешкі уақытта болған. Lada.kz редакциясына түскен бейнежазбада белгісіз ер адамның қызға шабуыл жасаған сәті көрінеді. Қыздың айқайын естіген адамдар жүгіріп келіп, қылмыскерді ұстап алған.
- Видео авторының айтуынша, ер адам хиджабтағы қызды зорламақ болған, делінген видеода.
Полиция не дейді
Маңғыстау облыстық полиция департаменті 11 наурызда болған бұл жағдайға қатысты ресми мәлімдеме жасады.
- Видеодағы зорлау әрекетіне байланысты бірден қылмыстық іс қозғалды. Күдікті ұсталып, тергеу изоляторына қамалды. Тергеу аяқталып, іс айыптау қорытындысымен бірге сотқа жолданды, делінген хабарламада.