Павлодар және Абай облыстарында құрғақ шөп жанып, дала өрті болды, деп хабарлайды Ulysmedia.kz.
АБАЙ ОБЛЫСЫНДАҒЫ ЖАҒДАЙ
4 сәуірде кешкі уақытта ТЖМ экология министрлігіне Абай облысындағы табиғи өртті жоюға көмекті күшейткенін хабардады.
4 сәуірде күндіз Абай облысының Бесқарағай ауданы Ерназар ауылдық округінің Қоянбай ауылында құрғақ шөп жана бастаған. 26 м/с дейін екпінді жел өрттің тез таралуына ықпал етті. Дала өрті ішінара экология және табиғи ресурстар министрлігінің "Семей орманы" МОТР Морозов филиалының орман алқабына өтті.
Төтенше жағдайлар министрі генерал-майор Шыңғыс Әріновтың тапсырмасы бойынша өрт орнындағы құтқарушылар тобы "Семей орманы" бөлімшелерін қолдау және өртті жедел жою үшін күшейтілді.
Өртті сөндіруге Абай облысы, Павлодар облысы ТЖД, "Семей орманы" және "Ертіс орманы" орман шаруашылықтарының күштері мен құралдары, сондай-ақ жергілікті атқарушы органдар жұмылдырылды. Барлығы 240 адам және 96 бірлік техника тартылды. Облыстың ТЖД бастығы Манарбек Шапағатовтың қатысуымен әуеден барлау жүргізілуде.
ҚАУІП ЖОҚ
ТЖМ өрттің одан әрі таралуын болдырмау үшін Экология министрлігіне отпен күресте жан-жақты көмек көрсетуде. Елді мекендерге қауіп жоқ. Жағдай үнемі бақылауда.
ӨРТ ОҚШАУЛАНДЫ
ТЖМ бүгін 8.16-да Абай облысындағы табиғи өрт оқшауланғанын хабарлады. Дегенмен өртті сөндіру жұмыстары әлі де жүргізіліп жатыр.
ПАВЛОДАР ОБЛЫСЫНДАҒЫ ЖАҒДАЙ
4 сәуірде Павлодар облысы ТЖД Баянауыл ауданы Жасыбай орманшылығының аумағында құрғақ шөптің өртенгені туралы хабарлама түсті.
Өртті сөндіруге төтенше жағдайлар департаментінің, орман шаруашылығының, Қазавиаорманкүзеті мен орманшылықтың күштері және құралдары дереу жіберілді. Барлығы 85 адам және 24-тен астам бірлік техника жұмылдырылды.
ТҰРҒЫНДАРҒА ҚАУІП БАР МА
Қатты жел мен құрғақ өсімдіктер өрттің тез таралуына ықпал етіп, жедел жұмысты қиындатты. Осыған қарамастан құтқарушылар өрттің елді мекендерге таралуына жол бермей, сөндіру жұмыстарын жүргізген. Тұрғындар үшін қауіп жоқ.
Оқиға орнына құтқарушылардың қосымша топтары жіберілді.
4 сәуірде 20:27-де 60 гектар алаңдағы өрт оқшауланған.
ТЖМ бүгін сағат 09:22-де 20 гектар жердегі дала өрті сөндірілгенін хабарлады.