Павлодарда ескерткішті қорлап, тоңқалаң асып билеген қыздар жазаланды, деп хабарлайды Ulysmedia.kz.
ТОЛЫҒЫРАҚ
Павлодар қаласының әкімшілік құқық бұзушылықтар жөніндегі мамандандырылған ауданаралық сотының мәліметінше, 2008 және 2009 жылдары туған екі қыз ұсақ бұзақылық үшін әкімшілік жауапқа тартылған.
СОТ МАТЕРИАЛДАРЫ
Іс материалдарына сәйкес, 2 мамырда сағат 16:00 шамасында кәмелетке толмаған қыздар Ж. мен И. Павлодар қаласындағы Даңқ алаңында болып, Даңқ Обелискі мен Мәңгілік алаудың жанында ұятсыз билеп, оны видеоға түсірген. Осылайша қыздар Қазақстан Республикасы әкімшілік құқық бұзушылық туралы кодексі 434-бабының 4-бөлігінде көзделген ұсақ бұзақылықты жасаған.
КІНӘСІН МОЙЫНДАДЫ
Сот отырысы барысында екі кәмелетке толмаған қыздар кінәсін толық мойындады.
Ж. саябаққа хореографтың шақыруы бойынша басқа қыздармен бірге Жеңіс күніне арналған видеоны түсіру үшін келгенін айтты. Оның айтуы бойынша «TikTok» әлеуметтік желісінен көрген трендті үлгіден кейін биді түсіру идеясы туындаған. Түсірілген бейнеролик Instagram желісіндегі жабық парақшаға «Саябақты қорлаймыз» деген орынсыз жазумен жарияланған.
Тағы бір қыз И. осыған ұқсас түсініктеме беріп, видеоны түсіруге қатысуы 9 мамыр мерекесін атап өту жоспарына байланысты екенін, бірақ мазмұны мен көрсету орынсыз болғанын айтты.
ЖАЗА
Сот ұсынылған материалдарды қарап, кәмелетке толмаған Ж. және И.-ді әкімшілік құқық бұзушылық жасағандары үшін кінәлі деп танып, әрқайсысына 10 АЕК – 39 320 теңге мөлшерінде әкімшілік айыппұл түріндегі әкімшілік жаза тағайындады.
Қаулы заңды күшіне енген жоқ.