Астанада студент 12 қабаттан құлап мерт болды. Құқық қорғау органдарының мәліметінше, қазіргі уақытта оқиғаның барлық мән-жайы анықталып жатыр, деп хабарлайды Ulysmedia.kz.
ТОЛЫҒЫРАҚ
Астанада Nazarbayev University кампусы аумағында студент қыздың қаза тапқаны белгілі болды, деп хабарлады оқу орнының әкімшілігі. Университет басшылығы марқұмның туған-туыстары мен жақындарына қайғыра көңіл айтты.
Білім ордасының өкілдері оқиға орнында шұғыл қызметтер мен полиция дереу жұмылдырылғанын, сондай-ақ студенттер мен қызметкерлер үшін психологиялық қолдау ұйымдастырылғанын атап өтті.
- Біздің басты назарымыз – қауымдастық мүшелерінің әрқайсысының қауіпсіздігі мен эмоционалдық жағдайы, – делінген мәлімдемеде.
Астана қалалық полиция департаменті студенттің өліміне қатысты қылмыстық іс қозғалғанын растады. Құқық қорғаушылардың дерегінше, 22 жастағы студент қыз жатақхананың 12-қабатынан құлап қаза тапқан. Қазір қайғылы оқиғаның барлық мән-жайы анықталуда.
Nazarbayev University баспасөз қызметі марқұмның отбасына және достарына қосымша ауыртпалық түсірмеу үшін расталмаған ақпаратты таратпауға шақырды.