22 желтоқсанға қараған түні Алматыда жер сілкінісі сезілген, деп хабарлайды Ulysmedia.kz.
ТОЛЫҒЫРАҚ
Қазақстан Ұлттық ядролық орталығы деректер орталығының жедел мәліметіне сәйкес, 22 желтоқсан күні Астана уақытымен 02:16-да Қытай аумағында жер сілкінісі болды. Жерасты дүмпулерінің магнитудасы 5,0-ге жеткен.
Сейсмологтардың айтуынша, Алматы қаласында 2 балл деңгейінде жер сілкінісі сезілген.
ЭПИЦЕНТР
Өз кезегінде ТЖМ-нің «Сейсмологиялық бақылаулар мен зерттеулер ұлттық ғылыми орталығының» сейсмологтары жер сілкінісінің эпицентрі Қытай аумағында, Алматыдан оңтүстік-шығысқа қарай 256 шақырым жерде орналасқанын хабарлады. Сонымен қатар, Алматыда жерасты дүмпулері сезілмегені атап өтілді.
БҰҒАН ДЕЙІН
4 желтоқсанда Алматыда жер сілкінісі болды.
Жер сілкінісі Алматы облысындағы бірнеше ауылда да сезілген.