Ақтөбеде ер адамның бөлшектелген мәйіті табылды. Қайғылы оқиға №38 мектептің маңындағы көпқабатты үй ауласындағы қоқыс алаңында болған, деп хабарлайды Ulysmedia.kz.
ТОЛЫҒЫРАҚ
Алдын ала мәлімет бойынша, қаза тапқан адам – 1971 жылы туған ер адам. Оның өліміне қатысты нақты мән-жайлар әзірге белгісіз.
Қазіргі уақытта күдікті іздестіріліп жатыр. Алайда полиция бұл іске қатысты басқа мәліметтерді жарияламады.
– Аталған факті бойынша қылмыстық іс қозғалды. Оқиғаның барлық мән-жайын анықтауға бағытталған тергеу және жедел-іздестіру шаралары жүргізіліп жатыр, – деп хабарлады облыстық полиция департаментінің баспасөз қызметі.
ТҰРҒЫНДАР НЕ ДЕЙДІ
Оқиға туралы ақпарат Ақтөбе тұрғындары арасында тез тарады. Жергілікті чаттар мен мессенджерлерде ата-аналарға балаларын көшеге жалғыз жібермеу туралы ескертулер айтылып жатыр.