2024 жылғы қыркүйекте Қазақстан Ұлттық банкі республикалық бюджетке трансферттерді қамтамасыз ету үшін Ұлттық қордан 1 миллиард АҚШ долларға дейін сатуға дайындалып жатыр. Үкіметтің алдын ала болжамды өтінімдеріне сәйкес, Ұлттық қордан валютаны сату көлемі 900 миллионнан 1 миллиард долларға дейін болады, деп хабарлайды Ulysmedia.kz.
Ұлттық банк не дейді
Тамыз айында Ұлттық қордан бюджетке бөлінген трансферттер валютаны есебінен 546 миллион долларға жеткен, бұл Қазақстан қор биржасындағы сауда-саттықтың жалпы көлемінің 12% құрады.
Ұлттық банк сонымен қатар БЖЗҚ зейнетақы активтерінің валюталық үлесін қолдау үшін шетел валютасын сатып алуды жалғастырады. Тамыз айында бұл мақсаттарға 223 миллион доллар жұмсалған, ал қыркүйекте 450 миллионнан 550 миллион долларға дейін сатып алу жоспарланған.
Қыркүйек айында 230 миллионнан 250 миллион долларға дейінгі алтын-валюта резервтерінен валюта сатылады деп күтіледі.
Ұлттық қор
Еске сала кетейік, бұған дейін Ulysmedia редакциясы бюджет қаражатының тапшылығы, сондай-ақ Ұлттық қордан алынатын қаражат ұлғаятынына назар аударған еді.
Маусым айында Қазақстан бюджетіндегі теңгерімсіздік туралы Парламент Сенатының төрағасы Мәулен Әшімбаев мәлімдеді. Оның айтуынша, Қазақстан тапқанынан 2 есе көп ақша жұмсайды.
29 тамызда Ұлттық банк төрағасы Тимур Сүлейменов Үкіметтің Ұлттық қордан шығындарды тағы бір рет ұлғайту туралы шешім қабылдағанын түсіндіруге тырысты. Ол қазіргі фискалдық жағдай, яғни шығыстар мен кірістер көлемі үкіметті трансферттерге жүгінуге мәжбүр етеді деп мәлімдеді.