Премьер-министрдің орынбасары – ұлттық экономика министрі Серік Жұманғарин ел экономикасында қысқару үрдісі байқалып отырғанын мәлімдеді, деп хабарлайды Ulysmedia.kz.
Жұманғариннің айтуынша, Қазақстанда экономикалық қысқару үрдісі жеделдей түскен.
Бұл процесс Ұлттық банктің соңғы әрекеттеріне байланысты қарқын алады. Жаздың соңына қарай экономиканың қысқаруы одан әрі үдей түседі. Бұл – өте қауіпті тенденция," – деді Жұманғарин.
Сенаттағы үкімет сағатында Жұманғарин "Инвестицияға тапсырыс" жобасы туралы да сөз қозғады.
Биыл бұл жоба аясында 8 трлн теңге көлемінде қаржыландыру жоспарланып отыр, ал келесі жылы бұл сома 10 трлн теңгеге жетпек. Бұдан бөлек, инфрақұрылымға қатысты ауқымды жобалар бар, олар жеке бағдарлама ретінде қарастырылуда," – деді министр.
Жұманғариннің сөзінше, үкімет жолдардың ақылы болуын кеңейтуді көздеп отыр. Биылғы табыс 48 млрд теңгені құраса, бұл көрсеткіш жыл соңына дейін 78 млрд теңгеге жетуі мүмкін.
Қазақстанда салынып жатқан барлық жолдардан жиналған қаражат 48 млрд теңгені құрады. Қазір бұл көрсеткіш 78 млрд теңгеге дейін өсті. Келесі жылдың наурызына қарай біз оны 200 млрд теңгеге жеткізуді жоспарлап отырмыз. Жолдар өз күтімі мен халықаралық қаржы ұйымдарынан алынған несиелердің пайызын өтеуі тиіс. Біз инфрақұрылым құрылысы есебінен мемлекеттік қарызды осындай қарқынмен ұлғайта алмаймыз," – деп түсіндірді Жұманғарин.
Айта кетейік, бұған дейін үкімет қаңтар-ақпан айларында елдің ЖІӨ өсімі 5,4%-ды құрағанын мәлімдеген болатын. Премьер-министр Олжас Бектенов бұл қарқынды бәсеңдетпеуді тапсырды.