Еуразиялық экономикалық комиссия ЕАЭО елдеріндегі ең арзан және ең қымбат несиелерді атады, деп хабарлайды Ulysmedia.kz.
ҰЛТТЫҚ ВАЛЮТА
Биыл сәуір-маусым айларында Беларусьтегі ұлттық валютадағы несиелер бойынша орташа мөлшерлеме 11,8% болған. Арменияда – 12,7%, Ресейде ұзақ мерзімді несиелер үшін – 17,1%-дан, қысқа мерзімді несиелер үшін – 22,3%-ға дейін, Қырғызстанда – тиісінше 17,3 және 17,5%, ал Қазақстанда – 19%-дан 25,5%-ға дейін болды. Осылайша, біздің елде ұлттық валютадағы несиелер ең қымбат болып отыр.
ШЕТЕЛ ВАЛЮТАСЫ
Ал шетел валютасындағы несиелер бойынша Қазақстан банктері ЕАЭО ішіндегі ең тиімді ұсыныстарды беруде. Жылдық орташа мөлшерлеме бірінші жартыжылдықтың соңында 7,4-7,7%-ды құрады. Мұндай деректерді Еуразиялық экономикалық комиссия келтіреді. Арменияда бұл көрсеткіш 7,7-8,2% аралығында, Ресейде – шамамен 9,7-9,8%, Қырғызстанда – 8,3%-дан 10,4%-ға дейін болды.
КОНТЕКСТ
Бұған дейін Қазақстанда азаматтардың құқықтарын қорғауға және нарықты шетелдік қаржы ұйымдарына ашуға бағытталған «Банктер және банк қызметі туралы» заң таныстырылған болатын.