Ресейде YouTube-тің жылдамдығы азайғанымен желіні пайдаланушылар көбейді, деп хабарлады Ulysmedia.kz. РБК-ға сілтеме жасап.
29 шілде мен 4 тамыз аралығында 82,6 млн адам YouTube-ке бір рет болса да кіріп көрген. Одан бір апта бұрын 82,5 млн халық бір рет желіні пайдаланған. Ал өткен жылдың 29 шілде мен 4 тамыз аралығында 81,47 млн адам интернет-ресурсына кірген.
Сонымен бірге өткен аптада YouTube-ті адамдар орташа есеппен алғанда 107 минут қараған. Одан бұрын орташа есеп 93-минут болған.
ИНТЕРНЕТ-РЕСУРСҚА ШЕКТЕУ 12 ШІЛДЕДЕ БАСТАЛДЫ
Ресейде YouTube-тің жұмысына шектеу 12 шілдеде басталды. Сол күні Мемлекеттік думаның депатуты Александр Хинштейн видеохостингтің жылдамдығы 40%, ал 4 тамызда 70%-ға қысқаратынын айтты.
Қазір әлемде қиын жағдай болып тұр. Ресей ақпараттық қауіпсіздігін қамтамасыз ету керек. Біздің елде шетел интернет ресурсының еркін жұмыс істеуіне жол бермейміз, - деді ол.
Соңғы мәліметке қарағанда, Ресей мен Украинаның арасындағы соғыс одан сайын ушығатын түрі бар. Кеше Ресей президенті Владимир Путин Қауіпсіздік кеңесінің отырысын өткізіп, Курс облысындағы жағдайды талқылады.