Қазақстандық композитор Марат Омаров экс-президент Дональд Трамптың бастамасымен өткен қайырымдылық концертіне барды, деп хабарлайды ulysmedia.kz.
Бұл туралы әнші Almaty.tv тілшісіне айтты. Омаровтың айтуынша, Тәуелсіздіктің мерейтойына орай 16 желтоқсанда Қазақстанның мемлекеттік туы алғаш рет Филадельфияда көтеріліп, Нью-Йорк, Майами, Сан-Франциско, Хьюстон және Нью-Джерси қалаларында мерекелік шаралар өтеді.
Марат Омаров ағылшын тіліне аударылған «Коронавирус, кет!» әнімен өткен жылдың тамыз айында АҚШ-та өтетін қайырымдылық концертіне шақырылған болатын. Пандемияға байланысты іс-шара кейінге шегерілген болатын.
Сондай-ақ, ол Инстаграм парақшасына Нью-Йорк қаласында Тәуелсіздіктің 30 жылдығымен құттықтап жатқан видеожазба жариялады.