17 желтоқсанда қазақстанның бірқатар өңірінде ауа райы бұзылып, тұман, көктайғақ күтіледі, деп хабарлайды ulysmedia.kz.
Нұр-Сұлтанда оңтүстік-батыстан екпіні 15 м/с жел күтіледі. Батыс Қазақстан облысында түнде және таңертең тұман, көктайғақ күтіледі. Павлодар облысының солтүстігінде, батысында жаяу бұрқасын болады. Оңтүстік-батыстан, батыстан 15-20 м/с жел соғады.
Қызылорда облысының оңтүстігінде тұман күтіледі. Ақтөбе облысының батысында, Атырау облысының көп бөлігінде тұман түседі. Түркістан облысының оңтүстігінде, таулы жерлерінде тұман болады.
Шығыс Қазақстан облысының солтүстік-шығысында жаяу бұрқасын күтіледі. Қостанай облысының солтүстігінде жаяу бұрқасын болмақ. Қарағанды облысының оңтүстігінде тұман күтіледі. Облыстың солтүстігінде, шығығысында екпіні 15-20 м/с жел соғады. Солтүстік Қазақстан облысының батысында, оңтүстігінде жаяу бұрқасын, тұман, көктайғақ күтіледі. Жамбыл облысының солтүстігінде, таулы және тау бөктерлі аудандарында тұман түсуі ықтимал.