2021 жылы Ulysmedia ашылған кезде портал тілшілері зерттей бастаған басты тақырыптың бірі – атом электр станциясы болатын. Журналистеріміз бұл тақырыпты содан бері назардан тыс қалдырған емес – таяуда тыңдау өткен Үлкен ауылындағы үлкен дауды да өз көзімен көріп қайтты.
2021 жылы да қазіргідей «Қазақстанға атом электр станциясы керек пе, әлде жоқ па?» деген сұрақ қызу талқыланып, тараптар қай алаңда болмасын аргументтерімен «атысып» жататын. Сол уақытта Ulysmedia энергетик Әсет Наурызбаев пен экономист Жарас Ахметовтың пікірін сұрап көрген еді.
Біз екі жылдан кейін осы спикерлерден қазіргі пайымын сұрап көруді жөн көрдік. Екі жылда олардың пікірі өзгерді ме? АЭС-ке бұрынғыдай қарсы ма, әлде ол қажет деп есептей ме?