Ақпарат айдынында күні кешеге дейін қызу талқыланып, қоғам назарын аударған тақырыптың бірі кино еді. Парламент қабырғасындағы талқылаудан кейін бұл тақырып «суыған» шығар десек, біреу тағы отқа май құйғандай болды. «Время патриотов» фильмінің продюсері Акбар Құрманбаев депутатқа «сөзіңе жауап бер» деп, талап етті. Ulysmedia.kz отандық кинематографияның қыр-сырына қанық азаматқа арнайы материал дайындауды тапсырған. Осы мақаланың авторы фильмдердің қалай түсірілетінін өз көзімен көрген, бірнеше фильмнің эпизодтарында ойнаған адам.