ҚР Ішкі істер министрі Ержан Сәденов Сенат кулуарында Ұлттық экономика экс-министрі Қуандық Бишімбаевқа қатысты қылмыстық іс бойынша тың ақпарат айтты, деп хабарлайды Ulysmedia.kz.
– Бишімбаев ісі бойынша тергеу жүргізіліп жатыр. Гастро-орталықтың директоры Бишімбаевқа туыс болып келеді. Қазіргі таңда қылмыстық іс тергелуде, ешқандай проблема жоқ. Жақында аяқтаймыз", - деді министр.
Сондай-ақ, ІІМ басшысы дәлелдемелерді жасыруға қатысы бар барлық адамдар анықталғанын еске салды.
– Қылмыстық іске қатысы бар адамдардың бәрі анықталды. Қылмыстық процеске сәйкес олардың әрқайсысының ісі сараланды.. Барлық жазбалар қалпына келтірілді. Іс өз бағытымен жүріп жатыр", - деп қосты Сәденов.